Jêh du khay pơng dŏng n’gâng kan ƀon lan 2 gưl, n’gor Lâm Đồng djôt dơn âk săk rnglăy uĕh bôk năp. Aƀaơ lam n’gor Lâm Đồng geh tât 93 xă, phường mô geh công chức chuyên trách mpeh công nghệ thông tin, 6 ntŭk mô tŏng nuĭh kan tâm ntil nău tài nguyên-môi trường, 33 xă mô tŏng cán bộ mât uănh xây dựng, n’hanh âk ntŭk hôm e mô tŏng nuĭh kan ta ăp ntil nău khlay kơt tư pháp, kế toán, mât uănh neh ntu...

Dôl rwê, du đêt ntŭk tât rnôk aơ mô hŏ ƀư tŏng ăp gưl săk kruanh n’gâng tơm, khuch na nê̆ nău kan bah n’gâng kan hành chính ta bah dâng. Tĭng wa Hồ Văn Mười-Kruanh UBND n’gor Lâm Đồng, nău mô tŏng nuĭh kan way kan ta gưl xă lĕ jêng nău jăch ndăn, lah mô mkra ngăch mbra geh ntŭk kol tâm mât uănh ngih dak, ƀư mbrơi mkra samƀŭt hành chính n’hanh n’hŭch nău nsing nơm bah nuĭh ƀon lan, doanh nghiệp tâm n’gâng kan nsum djôt bôk.