Lơ 5/8 ta Ninh Binh, Tổng Bí thư Tô Lâm khâl n’hanh ƀư tơm nar pah kan đah Quân đoàn 12, N’gâng kan mât njrăng bri dak. Quân đoàn 12 dơi ndâk njêng dŭt năm 2023 tĭng nkô̆ nău nglăp nsum nâm ơm ăp ngih pah kan, ntŭk kan Quân đoàn 1 n’hanh Quân đoàn 2.

N’gul rach năm ndâk njêng, njrăng n’gang n’hanh têh jêng, ăp ntŭk kan bah Quân đoàn 1, Quân đoàn 2 bah năp đaơ-aơ lah Quân đoàn 12 lôch uĕh mro ăp nău dơi jao; lap geh 13 tơ̆ wơt Wa Hồ sĭt khâl; dơi Đảng, Ngih dak an nkhôm 7 Huân chương Hồ Chí Minh... Rnê rhơn ăp săk rnglăy ntoh lư ma Quân đoàn dơi geh, Tổng Bí thư Tô lâm đă năm tât, cán bộ tahen an tĭng rjăp kỉ luật, ndâk njêng quân đoàn đêt dơh tŏng ăp, têh dăng, geh soan rgum lĕ, tâm di uĕh nău đă pah kan hăn ăp ntŭk bah Tahen ƀon lan Việt Nam./.