Lơ 5/8, Đảng bộ Quân đoàn 34 ƀư Đại hội đại biểu rơh tal bôk năp, năm kan 2025-2030. Quân đoàn 34 dơi ndâk njêng năm 2024, tĭng nkô̆ nău nglăp nsum Quân đoàn 3 n’hanh Quân đoàn 4, ƀư tĭng nău kan lam hvi bah Tây Nguyên tât Đông Nam Bộ. Năm bah năp, Đảng bộ Quân đoàn 34 lĕ ngăch rdâk ƀư tay, ntơm mĭn lah nău tơm lah ntŭk kan tơm tâm rmôt vũ trang.

Lăp tâm năm kan mhe, Đảng bộ Quân đoàn 34 mĭn rgum ƀư tĭng rgâl mhe têh; n’hao uĕh tiăr nti, ntĭm nti chính trị, mât uănh nău mĭn n’hanh ndâk njêng văn hóa Tahen Wa Hồ rơh mhe; ntrôl dăng ndâk jêng chính quy, rhăt jăp kỷ luật, ƀư rmôt tinh nhuệ, săk rnglăy, rgâl hành chính n’hanh rgâl mrô; nkre, uănh khlay n’hao dơi rđău kan, soan njrăng n’gang bah rmôt đảng bah dâng n’hanh uĕh nâp rmôt cán bộ, đảng viên. Ntoh ngơi ta Đại hội, Thượng tướng Võ Minh Lương, Groi kruanh N’gâng kan mât njrăng bri dak, rnê rhơn ăp săk rnglăy bah Đảng bộ Quân đoàn 34 tâm năm kan bah năp lĕ dơi geh. Ta năp nău đă mhe mpeh mât njrăng bri dak n’hanh ndâk njêng Tahen mhe, Groi kruanh n’gâng kan đă Quân đoàn ndâk njêng tay ntŭk kan nâp dăng; nchrăp lor mĭn njêng, tâm ôp tâm nchră đah N’gâng kan mât njrăng bri dak ăp trong ƀư tâm lơh tâm di đah ntrong  ƀư n’gâng kan 2 gưl.