Aơ lah nău đă bâh nuĭh leo kan n’gor Đăk Lăk ta rơh tâm nchră kahgĭt 70 năm nar way ơm n’gâng kan mât uănh ngih dak mpeh phung chroh yor ntŭk kan Dân tộc n’hanh phung chroh Đăk Lăk leo kan. N’gor Đăk Lăk aƀaơ geh rlău 3,3 rkeh ƀon lan tâm nĕ geh 720 rbăn kon chroh đah bơi tât 4 rbăn chức sắc, leo chroh, rlău 270 rbăn nuĭh lah rnoi đê̆. Lam n’gor geh rlău 700 ntŭk kan chroh rƀŭn, 1.300 ntŭk kan leo chroh n’hanh ntŭk rgum rƀŭn jê̆ bâh ăp kon chroh. Uănh năl nău chroh lah nău mĭn nău rêh bâh du đê̆ ƀon lan, dôl n’hanh mbra rêh ndrel đah mpôl rnoi, wa Nguyễn Thiên Văn, groi kruanh UBND n’gor Đăk Lăk đă ntŭk kan Dân tộc n’hanh Tôn giáo n’gor an geh ƀư ueh tay nău kan mbơh tơih an gưl ủy, n’gâng kan ăp gưl tâm nău ntĭm leo kan, ƀư tĭng nău phung chroh bâh Đảng n’hanh Ngih dak, ngăn lah Luật nău chroh tĭng chroh, ndâk nsơm n’hanh mât kơl ntĭm nti mpôl kan ƀư tĭng nău chroh, an geh ƀư ueh nău mpôl rnoi, phung chroh bâh ntŭk kan ba dâng.