Lơ (5/8), ta Hà Nội, Thủ tướng Chính phủ Phạm Minh Chính râng Đại hội đại biểu Đảng bộ N’gâng kan Xây dựng rơh bôk năp, năm kan 2025-2030. Đah trong way ƀư “Tâm rnglăp-Ƀon lan ƀư tơm-Kỷ cương-Rgâl mhe-hun hao”, Đảng bộ N’gâng kan Xây dựng năm kan 2025-2030 mĭn 6 nău kan khlay; 3 rgâl mhe têh  an rgâl hao tâm hun hao wăng sa ntung trong, nkual ƀon têh n’hanh jay gŭ thuk prăk: Lôch nău rƀŏng tât năm 2030 lam dak geh 5.000 km trong ndeh têh hăn ngăch; Mĭn njêng boăt nthoi rĭng ăp trong rdêng ndơ, ngăn lah ăp drâm dak lêng, ndrâm dak tâm dak đah trong ndeh treng, trong ndeh; ntrôl jêh nău rƀŏng 1 rkeh rnăk jay gŭ thuk tât năm 2030 tĭng Bôk nău rgop an tâm chră Chính phủ...

Ntoh ngơi ta Đại hội, Thủ tướng Phạm Minh Chính uănh lah prêh n’hanh rnê nău nsrôih dŭt têh n’hanh 9 rmôt săk rnglăy khlay ma Đảng bộ N’gâng kan Xây dựng dơi geh tâm năm kan bah năp. Lah ăp nău rhoăt blău ơm, Thủ tướng lah rjăp nău blău ơm mpeh tâm rnglăp, dun nău kơl ngăch đah nu nău n’hanh n’hao tâm pă gưl, pă nău dơi, hăn ndrel đah uănh nđôi. Thủ tướng đă bah năp măt dŭt năm 2025, an jêh 3.000 km trong têh hăn ngăch; nsrôih jêh trong mper dak lêng tĭng trong nchrăp. Thủ tướng đă uănh khlay rgâl công nghệ, nuĭh kan an trong ndeh treng n’hanh trong ndeh treng hăn ngăch. Ntrôl ngăch ƀư, n’hao uĕh nâp nkual ƀon têh mhe; hun hao ntung trong nkual ƀon têh tĭng trong mhe, nkual ƀon têh kloh uĕh, mhe blău, tâm di đah rgâl trôk nar...