Ta ăp rơh tâm nchră, Tổng thống Ai Cập Abdel Fattah Al Sisi lah na nê̆ rơh tât khâl gưl ngih dak bâh Kruanh dak n’hanh mpôl đại biểu gưl têh Việt Nam lah du nău kan khlăy, pơk luh du rơh tâm kơl kan mhe an nău tâm boh kan 2 dak lôch rlău 60 năm njêng nău tâm boh nchră nău đah dak bah dih n’hanh n’hao nău tâm boh kan ndrel lĕ rngôch. Bar hê nuĭh leo kan lĕ tâm mbơh mpeh nău hun hao wăng sa- rêh jêng ta ăp dak, rnê ăp njoat hăn ueh ta nău tâm boh kan Việt Nam- Ai Cập, lah na nê̆ nău nsrôih njêng nău mhe an tâm kơl kan 2 ding ta lĕ rngôch ăp trong kan. Tâm mbơh mpeh nău ta nkual n’hanh lam ntur neh ndrel mât uănh, kruanh dak Lương Cường rnê âk nău kan ƀư ndranh, doh rklaih nău bâh Ai Cập tâm nău joi ăp trong kan an ăp rơh tâm rkeh ta nkual.