Lơ 5/8, UBND n’gor Gia Lai lĕ geh nău mbơh tơih njoăl an rnâng kan ntĭm leo ăp nău kan tơm khlăy ngih dak bâh n’gor, uănh nău nchrăp ƀư nău ntuh ƀư rdâk njêng trong têh Quy Nhơn-Pleiku. Tĭng nău mbơh tơih aơ, n’gor Gia Lai mbra ntơm ƀư trong tâm khay 10 aơ. Đah nău ƀư trong têh Quy Nhơn- Pleiku, n’gor ntĭm đă ăp ntŭk kan way kan geh ƀư tĭng nău uănh nđôi ta nkual neh, ntŭk ƀư trong, njêng nău kơp uănh nchrăp ƀư trong, dăn đă rgâl mhe trong hăn let trong yôk nque An Khê gay ma bah ir shop, ngăch nar ƀư n’hanh mpêt nkrem prăk kan. Nău ƀư trong têh Quy Nhơn- Pleiku geh nău jong klâp ma 125km, hăn let n’gor Gia Lai, nău têh ƀư trong geh 4 mbor trong, đah nău ngăch hăn klâp ma 100km/h, ăp ntŭk trôm, ntung, ntŭk mbơh hăn trong, nău kan ƀư trong mbơh êng n’hanh ntŭk rlu. Lĕ rnoh ntuh ƀư lĕ rngôch klâp ma 43.734 rmen prăk, tâm nĕ, n’gor Gia Lai ton pă an 1.250 rmen prăk bâh tơm prăk ta ntŭk n’hanh ăp rnoh tâm kơl kan an tâm di êng an nău kan ntrơn ntŭk gŭ gay ma ƀư trong.