Kêng măng 14/12, Mpôl pah kan bah Chính phủ yor Groi Thủ tướng Rnâng kan Chính phủ Nguyễn Hòa Bình khâl n’hanh pah kan ta Tổ hợp Ngih măy Vinfast n’hanh Ndrâm dak lêng Container Quốc tế Hateco Hải Phòng. Ta nar pah kan, ntoh măt kruanh Công ty CP Nkra njêng n’hanh tăch Vinfast lĕ mbơh đah mpôl pah kan n’hanh Groi thủ tướng rnâng kan Chính phủ Nguyễn Hòa Bình ăp nău geh bah năm 2025.

Rmeh tât lĕ khay 11, công ty tăch luh 147.450 bôk ndeh điện, an saơ bôk năp ndơ aơ rlet rlău 100.000 bôk ô tô điện tăch tâm 3 rơh bôk năm. Vinfast dôl nsrôih n’hao rnoh ndơ tâm dak hao rlău 80% tâm năm 2026 n’hanh pơk hvi ntŭk tăch lam ntŭr neh đah ăp ngih măy êp sa nkra ta Ấn Độ n’hanh Indonesia. Groi Thủ tướng lah rjăp, Chính phủ mbra hăn ndrel tay, nta soih aih, dăch dêh ngăn gay ăp doanh nghiệp công nghệ mhe kơt Vinfast n’hanh Hateco rgâl mhe.