Thủ tướng đă rnâng kan mât uănh nău nchrăp kan  ƀư tach ndeh păr lam ntur neh Long Thành rgum lĕ rngôch ntŭk dơn kan pah kan 3  tơ̆, 4 rơh, ƀư nar, ƀư măng ta ntŭk kan, njêng nău ntoh n’gôr gơih nđơr, răng dăng , an geh ƀư kloh ueh aih tay ntuk tăch ndeh păr, brôi lâng, tăm pih ta ăp ntŭk kiau meng, luh luh nar n’hanh mpeh nhâp nar ta nkual tach ndeh păr. Thủ tướng đă Quân khu 7, n’gâng kan mât rnă njrăng ngih dak, pă tay nuĭh kan, ăp mpôl kan tahen ndrel đah rnâng kan mât uănh nău kan ƀư tach ndeh păr lam ntur neh Long Thành ƀư kloh ueh ntŭk ntô, an geh kơl mât đăp mpăn tay ăp nău dơh nơih gay ma vơt rơh mpăr bôk năp ta lơ 19/12 tay. Thủ tướng knơm an lah, ăp ntŭk dơn kan geh tât mbra nsrôih, an ƀư lôch, nsrôih răng dăng lơn tay gay ma ngăch ƀư lôch, ndơ̆ lăp an dŏng  tach ndeh păr Long Thành đah lam ntur neh đah ndơ dŏng tâm rgop hăn mbluh aih, hun hao wăng sa mpeh trong ndeh păr tĭng nău ntĭm đă bâh Thủ tướng Tô Lâm.