Kêng măng (03/8) Thủ tướng Chính phủ Phạm Minh Chính ndrel mpôl pah kan lĕ tât uănh nđôi, ntĭm rđău trong kan mkra khuch khat trôk nar lơh ta ăp xă Na Son, Tìa Dình n’hanh ban Háng Pu Xi, xă Xa Dung, n’gor Điện Biên. Tâm pă nău rngot tât nuĭh bên ăp rnăk wâl geh nuĭh khĭt, Thủ tướng tâm pă đah ăp jêr jŏt, roh rngot bah nuĭh ƀon lan nkual geh trôk nar lơh.

Thủ tướng đă ăp n’gâng kan, nău kan tâm rgop rjăp đah n’gâng kan ƀon lan gay ntrôl ngăch nkra trôk nar lơh, mô an nuĭh ƀon lan ji ngot, mô tŏng dak si, dak kloh n’hanh nuh srê ntoh jêh dak lip. Ăp ntŭk ntung trong geh pĭch rlâm an ơm mkra, trơn kônh wa tât ntŭk đăp mpăn. An nkra tay tuch tăm. Ăp ntŭk ngih samƀŭt geh khuch an ngăch nkra an ăp mon nchrăp lăp năm nti mhe. Ăp ngih dak si, ntŭk săm ji an nuĭh ƀon lan geh khuch an uănh nđôi, mkra ngăch.