Rơh tât khâl gưl ngih dak bâh Kruanh dak Lương Cường tât ta Ai Cập geh nău kan khlăy ngăn, geh tât nău hun hao jŏ jong bâh nău tâm boh kan Việt Nam- Ai Cập. Geh ƀư ta rơh Việt Nam dôl nsrôih ƀư lôch ăp nkô̆ mpŏng kan, nău kan nchră nău đah dak bah dih ma Đại hội Đảng 13 ngluh mbơh, mbơh tơih âk nău mhe mpeh trong kan, ndơ dŏng ntung trong kơl an hun hao neh dak, mpŏng tât Đại hội 14 bâh Đảng Cộng sản Việt Nam, nchrăp nglôch lôch nău kan “Hun hao nău tâm boh đah Việt Nam n’hanh rmôt kan ndrel châu Phi lvang năm 2021-2025”. Tâm rơh tât khâl aơ, Kruanh dak Lương Cường mbra geh ăp rơh tâm nchră gưl têh đah Tổng thống Ai Cập Abdel Fattah Al Sisi; tâm nchră đah Thủ tướng Mostafa Madbouly, kruanh Thượng viện Abdel- Razek n’hanh kruanh Hạ viện El-Gebaly, ntoh ngơi kơl kan ta ntŭk kan liên đoàn Arab.