Ôi lơ 23/7, wa Tạ Anh Tuấn, Kruanh UBND n’gor Dak Lak hŏ tât khâl ndrel pah kan tâm xã n’har bri Ea Bung. Jêh bơi tât du khay ƀư nau dŏng nau kan n’gâng kan mhe, xã Ea Bung hŏ ƀư nâp ntŭk kan, pă cán bộ, công chức tĭng tâm di nau ntrŭnh. Nau rđau kan, rklaih kan hành chính geh ueh n’ho ro.

Kruanh UBND n’gor Dak Lak đă ntŭk kan lŏ ƀư ueh nau dăng dơi tâm tuch tăm, mât rong, tăm bri ndrel văng sa gay ma n’hao nau geh, rgop nau jut n’huch ach o ân nâp nâl. Êp nê, ân geh tâm rgop rjăp đah rmôt biên phòng mât đăp mpăn rnă njrăng, mât đăp mpăn nkuăl n’har bri bah neh dak. Di rnôk aơ, rmôt hăn kan hŏ ôp khâl, pă nklâm ndơ ân ăp nŭih dơi kơl ndrel cán bộ, tahen Đồn Biên phòng mpông đah dak ba dih Đăk Ruê./.