Kruanh Quốc hội Trần Thanh Mẫn mbơh, aơ lah rơh bôk năp Quốc hội ƀư tâm nchră. Wa lah rjăp nau kan mêt uănh geh Kruanh Hồ Chí Minh rđau ƀư ntơm năm 1946. Kruanh Hồ Chí Minh kŏ mêt uănh tâm ăp n’gor khlay tât nau kan văng sa, rêh jêng, hăn tâm dăch ma ƀon lan, êp ƀon lan, gay gĭt ƀon lan. Kruanh Quốc hội ăp gưl kŏ uănh khlay nau mêt uănh gay ndâk, njêng ndrel mât neh dak. Hôm mêt uănh rnôk aơ lah nau gay hun hao neh dak tâm rach năm mhe, rach năm n’hao săk bah rnoi mpôl.

            Rơh rlau aơ, Quốc hội gưl 15 uănh khlay tât nau kan mêt uănh, âk nau mêt uănh hŏ geh ƀư rjăp, nâp ndrel geh mbơh kloh đah ntoh măt Quốc hội, cử tri ndrel ƀon lan. Tĭng nê, nau kan ndâk, ƀư jêh ntrong pah kan mêt uănh geh kơl an đah nau rgop ƀư rjăp, năn đah ăp ntŭk kan bah Quốc hội, Chính phủ, bah Uỷ ban Trung ương MTTQ, Ngih phat dôih ƀon lan, Viện kiểm sát ƀon lan, ntŭk kan mât kan Ngih dak, ntŭk kan mêt uănh, ăp ntŭk kan báo chí tâm Trung ương ndrel n’gor.

            Tĭng Kruanh Quốc hội, nau kan mbơh nchră nau jêng nau kan mêt uănh bah Quốc hội. Tâm ăp rơh rƀŭn kŏ geh nau kan mbơh ndrel ơh nau ôp. Hội đồng dân tộc, ăp Uỷ ban bah Quốc hội geh ăp rơh rƀŭn mbơh nau kan bah cử tri, ƀon lan ŭch.

            Rơh rlau aơ, Quốc hội mro hăn ndrel ma Chính phủ. Đah nau rđau kan bah Đảng, đah trong kan, nau ntrŭnh. Nau rƀŏng hun hao văng sa, rêh jêng, đăp mpăn neh dak, rnă njrăng. Tâm nau nê, Chính phủ mbơh Luật, nau ntrŭnh gay Rnâng kan Quốc hội, Quốc hội ntrŭnh ăp nau kan tơm, ndâk pháp luật, ntrŭnh ăp nau kan khlay bah neh dak.

            Kruanh Quốc hội mbơh, tâm rơh rƀŭn êp aơ, Quốc hội gưl 15 hŏ ntrŭnh ăp luật, nau ntrŭnh ndrel nau rgala mhe ân Chính phủ ndrel n’gâng kan n’gor tĭng nau rđau đă bah Tổng Bí thư Tô Lâm đah nau kan, nau sôih, nau ƀư, nau ndơn kan geh n’gor ndơn lĕ:

            ‘Mhâm ƀư gay nau kan n’gâng kan tâm n’gor bar gưl đă mpăn nau đă tâm rơh tât, gay nau kan mêt uănh bah Quốc hội, Uỷ ban Rnâng kan Quốc hội hăn lăp tâm nau ngăn gay mêt uănh luật, nau ntrŭnh, nau đă. Kơt lah du năm geh 2 rơh rƀŭn mêt uănh bah Quốc hội, 2 rơh mêt uănh bah Uỷ ban Rnâng kan Quốc hội. Tât aơ tă, phung hên geh dơi ƀư knŭng du rơh mêt uănh bah Quốc hội, yơn Uỷ ban Rnâng kan Quốc hội ân geh mêt uănh âk, ƀa ƀơ, kơp n’ăp ma ndal gay ma năn saơ nau tât, năn geh doh rklaih lơn”.

            Kruanh Quốc hội mbơh, Uỷ Ban rnâng kan Quốc hội mra djăt nau đă bah ăp ntoh măt Quốc hội, gay tât aơ tă Luật ƀư nau kan mêt uănh bah Quốc hội HĐND mbơh Quốc hội uănh, nchră tâm rơh rƀŭn tal 10, Quốc hội gưl 15 gay đăp mpăn nau ntrŭnh mêt uănh geh ƀư rjăp tâm nau ngăn.

            Kruanh Quốc hội Trần Thanh Mẫn lah rjăp, ntrŭnh nau rđau tâm nau mbơh ngơi ntơm ƀư rơh rƀŭn tal 8, Quốc hội gưl 15, Tổng Bí thư Tô Lâm mbơh kloh: Ân ơm mĭn năl kloh nau kan, nau ƀư mêt uănh gưl prêh bah Quốc hội ân tâm di, der nau geh tâm ntrŭp ma nau kan bah ăp ntŭk kan Ngih dak ƀư mpŭng lir. Lŏ n’hao nau nâp nau kan mbơh, nchră, uănh nau ntrŭnh bah pháp luật; uănh khlay nau kan mêt uănh, bonh đă ƀư ăp nau đă gay geh mêt uănh. Kruanh Quốc hội Trần Thanh Mẫn rnơm lah:

            ‘Nau tâm nchră ndơn geh âk nau mĭn mbơh, nau nsôih, nau kan bah ăp ntoh măt Quốc hội, ăp nŭih ƀư nau kan blau, nŭih kan khoa học, nŭih mĭn njêng, rgop âk ngăn tâm nau ƀư dơi ăp nau kan geh tât ntrong mêt uănh tâm rơh mhe bah neh dak, rgop nau ntrŭt dăng nau hun hao văng sa, rêh jêng, đăp mpăn rnă njrăng, ndâk ntrong kan chính trị kloh, nâp dăng, njrăng nau sa khâm, mpŭng lir, khuch djơh”./.