Kêng măng (10/8), ta Ngih Chính phủ, Thủ tướng Phạm Minh Chính ƀư tơm pah kan đah Ban mĭn njêng hun hao wăng sa ƀư êng (Ban IV). Thủ tướng Phạm Minh Chính nkoch kloh, hun hao wăng sa ƀư êng lah nău kan khlay ngăn bah jâng wăng sa ngih dak. Thủ tướng nkoch kloh, rơh rƀŭn aơ gay djăt Ban IV mbơh chuyên đề gay dăn đă du đêt nău kan, trong mkra ƀư tĭng Nghị quyết 68 lôch uĕh; lor an dôh rklaih mpêr n’gar mpeh trong ƀư, nău kơl, yor trong ƀư lah n’gâng tơm, nkre ntrŭt an hun hao.

Thủ tướng nsing nơm ăp trong rgâl bah rnôk Nghị quyết 68 dơi an, rgâl mpeh nău wât, nuih n’hâm, prăk kaih an hun hao. Mpŏng ŭch rgâl 5 rkeh rnăk tăch rgâl jêng doanh nghiệp, doanh nghiệp jêt jêng doanh nghiệp têh, doanh nghiệp têh jêng doanh nghiệp têh lơn, doanh nghiệp têh lơn jên doanh nghiệp tâm ban lam ntŭr neh, âk dak, râng trong khlay lam ntŭr neh. Nkre mĭn lah, nău khlay ngăn rgŏ jă tơm prăk bah nuĭh ƀon lan, doanh nghiệp yor tu tơm ntơm tâm nău mĭn n’hanh trong uănh, n’hâm soan ntơm bah nău rgâl mhe n’hanh mĭn ƀư mhe, soan dăng ntơm bah nuĭh ƀon lan n’hanh doanh nghiệp.