Tĭng bôk nău nchrăp, ta rơh rƀŭn nchră aơ, mpeh nău kan lập pháp, Ủy ban rnâng kan Quốc hội mbra geh uănh n’hêl, an tâm rgop mpeh nău mbơh rblang, dơn gĭt, rgâl nkra, nău nchrăp Luật nău ndal, nău nchrăp Luật leo kan, Luật pă jao nuĭh dôl geh ƀư tĭng nău rmal gŭ ndrung, Luật tâm pêt tâm kơl mpeh tư pháp mpeh ƀon lan, Luật pah kan uănh nđôi bâh Quốc hội n’hanh Hội đồng nhân dân. Nkre lah, Ủy ban rnâng kan Quốc hội mbra an tâm rgop mpeh nău nchrăp Luật ƀư tĭng nău nhup kân, mât krung n’hanh mô an bah dih ntŭk gŭ, nău kan Luật ƀư tĭng thi hành án hình sự rgâl mhe, nău nchrăp Luật thi hành án dân sự rgâl mhe, nău nchrăp luật rgâl mhe, ntop du đê̆ nkô̆ bâh Luật ntĭm nti, nău kan Luật ntĭm nti Đại học rgâl mhe, nău nchrăp kan Luật ntĭm nti nău kan rgâl mhe, nău kan luật njrăng, rdâng ma túy rgâl mhe, nău kan, nău kơl kan khlăy way ơm geh tơm ntuh kơl rdâk njêng tach ndeh păr lam ntur neh Gia Bình.