Rơh tât khâl gưl ngih dak tât Hàn Quốc bâh Tổng Bí thư Tô Lâm rơh aơ mbra ntop ndâk nsơm ueh tay lơn nău tâm knơm chính trị đah 2 dak, nkre lah mpơl saơ du nău kan khlăy,pơk trong mhe an nău tâm boh kan Hàn-Việt. Ta rơh tât khâl gưl ngih dak tât ta Hàn Quốc, kêng măng nar naơ, Tổng Bí thư Tô Lâm lĕ geh vơt wa Ahn Gyun Back, kruanh rmôt nghị sĩ tâm rnglăp Hàn-Việt. Tổng Bí thư Tô Lâm đă 2 rmôt Nghị sĩ tâm rnglăp n’hao nău tâm nđur tâm kơl kan, n’hao nău kan ƀư ntung njŏ tĭng nău tâm rnglăp tâm kơl đah 2 Quốc hội, ntop uănh nđôi, ntrŭt đă, njêng nău dơh nơih mpeh pháp lý an nău ƀư tĭng ăp nău tâm ton, nău tâm kơl kan lĕ geh ký đah 2 dak, ntrôl nău tâm boh tâm kơl kan Việt- Hàn ăp nar lơ ma lăp jru, săk rnglăy n’hanh nâp nâl, nkre lah n’hao nău tâm rgop, tâm kơl ndrel ta ăp rơh tâm mâp bar nghị viện ta nkual n’hanh lam ntur neh.