N’gor Đắk Lắk dôl ƀư rĭng âk trong gay uănh nđôi n’hanh nking n’gang srê duh rtoh luh mham rih, rnoh nuĭh ntưp hao ngăch n’hanh lĕ geh nuĭh khĭt. Tât aƀaơ, lam n’gor Dak Lak djôt dơn rlău 2.660 nuĭh ntưp duh rtoh luh mham rêh, rĭng du nar geh 30 tât 100 nuĭh ntưp mhe. Lĕ rngôch xă, phường geh nuĭh ji, tâm nĕ rgum âk ta phường Buôn ma Thuột, ăp nkual kơt Krông Pắc, Cư M’gar, Sơn Hòa, Tây Hòa n’hanh Sông Hinh.

Du hê nuĭh khĭt lĕ dơi djôt dơn. UBND n’gor Đắk Lắk lĕ an sam ƀŭt ndal, ntĭm rđău ăp ntŭk ƀư nkhĭt măch rhai dak, răk ntŭk ntô gŭ âm tĭng rơh; n’hao nkoch trêng n’hao nău wât nuĭh ƀon lan. Nău kan dak si mbơh ƀư nkoch trêng, ntrŭt đă nuĭh ƀon lan răk ngih wâl, nkhĭt măch rhai dak, dêr măch kăp đah ăp trong tâm di. Nkre pơk lĕ rngôch trong uănh nđôi, mkra ntŭk srê n’hanh ƀư rgum săm.