Wa Nguyễn Thành Công, Kruanh rnâng kan leo kan bôk nău pah kan  “Ntrong hăn yor ntŭk rêh jêng”, nkoch, bâh nău uănh năl, ntŭk kan lĕ geh saơ Kon Cgiêng lah xã dŭt jêr jŏt bâh n’gor Gia Lai đah rlău 90% lah ƀon lan rnoi đê̆. Mpôl kan tâm kơl ŭch n’gor Gia Lai jêng nău tâm rgop, trĕ lam nău tâm pêt tâm kơl đah ƀon lan.

 “Mpôl hên saơ geh nău rêh bâh ƀon lan ta aơ dŭt ŭch geh nău kơl an n’hanh mpôl hên lĕ săch ntuk aơ lah ntŭk tât. Nău ma hên dŭt ŭch ngăn nĕ lah ăp ngih sàn, ăp trong hăn neh ma ƀon lan geh hăn ăp nar. Mpôl hên saơ ăp bôk neh nchoăt ma rse văk gay ma dơi hăn ta trong mhir shop n’hanh bok, nĕ lah nău hêhn ŭch tât ta aơ gay ma kơl an ƀon lan”.

Bôk nău kan lĕ geh mbơh tơih âk nău kan na nê̆, rgum ta âk trong kan dak si, ntĭm nti n’hanh kơl an tâm nău rêh jêng kơt uănh săm ji, mbơh tơih mpeh săk soan n’hanh pă dak si mô sŏk prăk an 500 nuĭh ƀon lan. Sa kra Thư viện Njoat tĭng jâng oh tât ngih nti”, pă an săm ƀŭt nchih, ndơ dŏng nti, kho ao mhe, ntơm ƀư 2 ntu dak, ƀư 1 ngih tâm rŏng...Lĕ rnoh prăk kan 850 rkeh prăk. Oh Hà Hoàng Phú, gŭ ta ƀon Thương, kon hoc nti jrô 6D, rhơn nkoch.

 “Kon geh hăn uănh săm ji, pă dak si n’hanh geh dơn ndơ pă an, kon dŭt lah ueh ăp kônh yơ tâm mpôl kan tâm kơl”.

Bôk nău kan “Pah kan yor ntŭk rêh jêng” tal 31 lĕ geh tât 130 nuĭh tâm kơl kan. Yuh Bùi Thị Minh Phương, sinh viên Đại học Y Dược nkuăl ƀon têh Hồ Chí Minh an lah, rơh hăn aơ mbra lah du nău rlong kan dŭt ueh mô chuêl an săk nơm, saơ geh nău mĭn, du nău ueh ngăn an geh ƀư đah nău kan nơm tâm nău vơt săm nuĭh ji.

“Dŭt rhơn rnôk geh hăn 12 mông, bâh ăp trong dŭt jêr hăn geh âk nău mĭn, trong yôk, shop mơ dĭng tât ta ntŭk săm ji. Nău mĭn gâp nơm lah dŭt nđach, dŭt ŭch geh njôt âk dak si n’hanh nău rŏng an ƀon lan”.