Aơ lah ngoăy tâm âk xã bôk năp bâh n’gor Đăk Lăk ƀư đại hội lôch pă dăp nău kan ngih dak n’hanh rdâk njêng ntŭk kan 2 gưl. Xã Hòa Phú geh njêng bâh nău nglăp nsum pe xã Hòa Phú, Hòa Khánh, Hòa Xuân, đah bơi tât 50 rbăn ƀon lan. Tâm năm kan mhe, Đảng bộ xã uănh năl rgâl mhe nău kan wăng sa tĭng trong công nghiệp, rdâk njêng, dịch vụ, hun hao tuch tăm công nghệ mhe, bah ỉ geh knơm đah tơm prăk ngih dak, mpŏng tât ƀư tơm êng n’hanh tâm rgop tay an n’gor. N’hao nău dơi ơm geh lah mpông mpeh ba dâng bâh n’gor, Hòa Phú an lor ntuh kơl ndơ dong ntung trong, ntŭk kan logistics, hun hao công nghiệp nkret ƀư ndơ tuch tăm n’hanh pâl nđaih sinh thái, nsrôih an jêng nkuăl ƀon têh Công nghiệp ueh mhe ta năm 2035.