Măng nđaơ (31/7) ta Ngih Chính phủ, Thủ tướng Chính Phủ Phạm Minh Chính ƀư tơm rơh mâp Mpôl tâm rnglăp nchră nău bah dih ta Việt Nam gay mbơh mpeh dăp tay rmôt n’gâng kan n’hanh ntŭk kan hành chính. Ntoh ngơi ta nar mâp măt, Thủ tướng Phạm Minh Chính mĭn lah: Tâm rnôk ƀư dăp, đêt dơh tŏng ăp rmôt n’gâng kan bah Việt Nam lĕ dơi ƀư dŭt n’hâm, tâm banbah Trung ương tât n’gor.

Bah meng nău rdâk ƀư tay n’hanh dăp n’gâng kan ƀĭt joet du trong di, khoa học, Việt Nam n’gluh khlay tâm nău n’hŭch biên chế, rgâl dăp rmôt kan n’hanh n’hao uĕh rmôt cán bộ, công chức, viên chức. Tâm rnôk dăp dơi ƀư du trong ƀon lan ƀư tơm, na nê̆, mbơh, kloh rah wah, geh nău tâm ban ŭch âk bah nuĭh ƀon lan-ăp nuĭh na nê̆ dơn geh săk rnglăy nkra rgâl. Yơn lah tĭng nuih n’hâm rlet rlău êng săk nơm-janh rgâl gay hao tât du nău rêh rgŏ năp uĕh lăng lơn.