Tĭng nău uănh năl bâh Ban tuyên giáo n’hanh dân vận n’gor ủy Lâm Đồng, dŭt âk nău mbơh tơih mpeh chính trị ndŏ an đại hội bâh ăp ntŭk kan mbơh na nê̆ nău dơi geh, ăp nău an lor, nău mô dơi geh, nău mô hŏ dơi ƀư n’hanh nkô̆ nău. Êng trong kan, nkô̆ mpŏng, nău ntrŏng n’hanh nău kan trong kan, ăp văn kiện lĕ mbơh lĕ rngôch na nê̆, mpơl nău dơn kan n’hanh nău nsrôih âk an năm kan let năp tay, uănh năl geh ăp nău mhe, bôk nău kan tơm khlăy, nău kan tơm ngăn. Nău leo ƀư Đại hội geh ƀư răng dăng, ueh mhe, dơn kan, njêng nău ueh mhe tâm rlong gơih nđơr ntoh lư trĕ lam têh tâm lam đảng bộ xã, phường, đặc khu. Ăp đại biểu tât râng đại hội lĕ geh mpơl nău dơn kan têh, răng dăng, tâm rnglăp, ƀư tơm n’hanh ƀư tĭng di nău way, nkô̆ nău, nău kan.