Mpŏng tât kahgĭt 80 năm nar Cách mạng khay 8 geh nău dơi 19/8 n’hanh Quốc khánh dak Cộng hòa xã hội chủ nghĩa Việt Nam 2/9, nar naơ 31/7 ta Hà Nội, Tổng Bí thư Tô Lâm, Bí thư Quân ủy Trung ương tât râng n’hanh leo rơh tâm mât măt ăp cán bộ leo kan cách mạng kăl e, hăn tâm lơh kăl e, mê̆ Việt Nam anh hùng, kruanh tahen, Anh hùng lực lượng vũ trang nhân dân tâm ntŭk kan tahen ƀon lan Việt Nam. Tâm ngơi tâm ôp dăch bên đah ăp đại biểu, Tổng Bí thư Tô Lâm uănh năl, tât aƀaơ bôl ma ta rơh đăp mpăn, ăp đại biểu lĕ rlu kan, yơn hôm nha geh n’hao nău mĭn tahen wa Hồ, hôm nha geh nău mĭn nsrôih tâm lơh an geh nău dơi lah nău knơm nâp nâl an rơh kon său. Tổng Bí thư Tô Lâm knơm, đah nău nsrôih, dơn kan, trong kan mhe, nău mĭn gĭt blău n’hanh tĭng nău geh bâh ăp nuĭh, ăp đại biểu mbra geh tay nău tâm rgop đah nău kan cách mạng ntoh ang bâh Đảng, bâh ƀon lan n’hanh mpôl rnoi, ndrelbun dăp, n’hao dăng tâm rnglăp lĕ mpôl rnoi ndŏ neh dak he ăp nar lơ ma hun hao, têh dăng, hơm răm, hăn ndrel đah ăp dak têh ndrŏng lam ntur neh kơt nău ŭch bâh wa Hồ.