Rhơn săk soan ăp tahen sôt rmanh, tahen geh nău ji, kruanh Ủy ban Trung ương MTTQ Việt Nam Đỗ Văn Chiến lah na nê̆, ăp năm ba năp, Đảng n’hanh Ngih dak way geh nău mât kơl ngăn đah ăp tahen sôt rmanh, tahen geh nău ji, rnăk dơi kơl, nuĭh geh kan đah cách mạng. Wa Đỗ Văn Chiến mpơl nău ŭch ăp tahen sôt rmanh, tahen geh nău ji an geh mât nâp nău knơm, rêh ueh, ngăch dăng, an geh n’hao nău kan, an tâm di đah Tahen wa Hồ, hăn lor, rgŏ jă kon său ƀư tĭng nsrôih rdâk njêng rnăk vâl hơm răm, nsum soan yor nău hun hao bâh nkuăl ƀon têh Hải Phòng n’hanh neh dak.