Kahgĭt 78 năm nar tahen sôt rmanh- tahen khĭt lơ 24/7, ta Hà Nội, n’gâng kan Nội vụ tâm rgop đah n’gâng kan mât rnă njrăng ngih dak, n’gâng kan công an, Ủy ban nhân dân nkuăl ƀon têh Hà Nội n’hanh ăp ntŭk kan geh tât ƀư rơh tâm mâp măt 250 đại biểu nuĭh geh kan, nuĭh ntoh lư ta lam dak. Ăp đại biểu lah cán bộ cách mạng lĕ ranh, cán bộ ntơm ta rơh tâm lơh kăl e tă ban saơ lịch sử lĕ ndrel nkah tay nău dơi têh dăng bâh mpôl rnoi, tâm nkoch ăp nău rgâl mhe ta rơh hun hao. Ntoh ngơi ta rơh tâm mâp, Tổng Bí thư Tô Lâm mpơl nău lah ueh dŭt n’hâm tât 1,2 rkeh tahen khĭt- ăp nuĭh kon ntoh lư lĕ khĭt yor mât đăp mpăn neh dak. Tổng Bí thư lah na nê̆ Đảng, ngih dak way geh mât kơl tât nău tâm pêt tâm kơl n’hanh đă ăp n’gâng kan, ntŭk kan an geh n’hao uănh nđôi, ƀư lôch ueh nău kơl kan an ăp nuĭh tă geh kan kăl e, ntop trĕ lam nău mĭn Ngêt dak kahgĭt tu tâm lĕ ntŭk rêh jêng.