N’gor Lâm Đồng geh rlău 21 rbăn tahen khĭt, bơi tât 16.700 tahen sôt rmanh, tahen geh nău ji, bơi tât4.630 bu ranh tă kan cách mạng n’hanh cán bộ tâm lơh kăl e, 2.460 mê̆ Việt Nam anh hùng tâm nĕ 29 mê̆ hôm e rêh. Rnoh nuĭh tât râng tâm lơh, geh bu nhup krung lah 43.100 nuĭh n’hanh bơi tât 3.370 nuĭh pah kan tâm lơh geh ntưp dak si hóa học. Tĭng wa Y Thanh Hà Niê Kđăm, Bí thư n’gor Ủy, kruanh mpôl Đại biểu Quốc hội Lâm Đồng, ndrel đah lam dak, Lâm Đồng way geh uănh năl mât kơl an nuĭh geh kan kăl e lah nău dơn kan chính trị, nău mĭn kan n’hanh nău rŏng têh khlăy. Yor nĕ, n’gor lĕ geh mbơh tơih âk nău kơl kan na nê̆ kơl an nău rêh n’hanh ăp nău kơl kan êng.