Nar 6/8, Ban Tuyên giáo n’hanh Dân vận Trung ương kan nsum đah Đảng uỷ Mặt trận Tổ quốc, ăp nsum mpôl Trung ương, Đảng uỷ Bộ KHCN, Đảng uỷ Bộ Văn hoá Thể thao n’hanh Pâl nđaih n’hanh ăp nhih pah kan geh tât ƀư. Tâm nchră mâp măt 80 nuĭh ntơh măt an rmôt nuĭh gĭt blău, nuĭh khoa học, văn nghệ sỹ tâm lam dak.

Lah ta rơh mâp măt, Tổng Bí thư Tô Lâm mpơl nău nkah gĭt jru tât âk mpưm rmôt nuĭh gĭt blău, nuĭh khoa học, văn nghệ sỹ tâm lam dak tâm bah ri aơ nơh way ndrel Đảng, Ngih dak n’hanh rnoi nuĭh, djăt ngăn ăp nău rgop lĕ nuih n’hâm bah ăp nuĭh ntơh măt râng rơh mâp măt. Tổng Bí thư ŭch rŏng let năp tay rmôt nuĭh gĭt blău, nuĭh khoa học, văn nghệ sỹ dak he ntik n’hao tay nău way  ơm khlay, n’groh an lĕ nău gĭt blău, bôk rngok, blău ƀư mhe âk ntil ndơ, nău nchih têh, geh rnoh khlay, hăn ndrel đah Đảng, neh dak n’hanh ƀon lan nsrôih rdâk njêng neh dak đăp mpăn, bah tâm lơh tâm su, têh ndrŏng, ăp tŏng, rhơn răm tâm rơh hun hao mhe.