Lôch du khay n’glăp dŏng n’gâng kan bar gưl, Dak Lak mhe năl geh njuat hăn ngăch mpeh dŏng khoa học – công nghệ, nkre ât rdâng đah tâm ƀah têh đah ăp xã, phường tâm rgâl mbrô n’hanh rgâl dơh glêh siƀŭt đŏng. N’gor hŏ ƀư wat jêh 96 nău dơn kan tĭng di rnoh ngăch Nghị quyết 71 bah Chính phủ, nkre n’glăp dŏng kan trong tâm nchră pơk sŏng dăng tât lĕ rngôch 102 xã, phường n’hanh buăt nthoi camera groi nđôi ta ntŭk rgum ƀư siƀŭt ăp ntŭk tâm dâng.

Yơn, ngăn an saơ “Kô̆ yơn kol” ndơ dŏng mbrô ta Dak Lak nha mô hŏ tâm ban ơm. Âk xã nha mô hŏ geh máy sŏk mbrô, lah ndơ ntrŭp dŏng ân geh tĭng quy định. Lĭn lơ mpeh rnoh âk hồ sơ pơk sŏng dăng đah ăp xã, phường dŭt têh; geh ntŭk dơn 3–5 hồ sơ ăp nar dơm. Mpeh nuĭh kan, dŭt đêt cán bộ gưl xã, phường dơi ntĭm nti way jru mpeh công nghệ thông tin. Aƀaơ n’gor Dak Lak dôl rdâk njêng bar đề án mpeh hun hao khoa học – công nghệ, rgâl blău ƀư mhe n’hanh rgâl mbrô lam n’gor gay ƀư jâng nsing an rơh hun hao mhe. Nkre, n’gor n’hao dăng ra uănh tay, dăp rgum nuĭh kan tâm di gay đăp mpăn dơn mât dơi nău kan, nău dơn kan mhe tâm n’gâng kan bar gưl./.