Măng 6/8, Kruanh dak Lương Cường n’hanh I ur ndrel mpôl ntơh măt gưl têh Việt Nam hŏ tât thủ đô Luanda, ntơm hăn khâl gưl neh dak tât Cộng hoà Angola tĭng nău jă bah Tổng thống João Manuel Gonçalves Lourenço n’hanh I ur. Aơ lah hăn khâl gưl dŭt têh bah kruanh rđău kan Việt Nam kơp ntơm bah năm 2008. Hăn khâl bah Kruanh dak Lương Cường ƀư di rnôk bar dak nkah ndray 80 năm njêng tâm boh tâm brê.

Nchrăp ntơm bah nar 6 tât 8/8, Kruanh dak Lương Cường mbra geh ăp rơh tâm nchră gưl têh đah Tổng thống João Manuel Gonçalves Lourenço; ôp srĭng nău Kruanh Quốc hội Carolina Cerqueira; pah kan đah kruanh rđău kan Đảng Trong leo ƀon lan rklaih luh Angola; mâp ƀon lan nuĭh Việt Nam ta Angola n’hanh râng lễ nkah ndray 50 năm njêng tâm boh đah bar dak. Lơn lah, Kruanh dak mbra geh nău lah khlay ta Quốc hội Angola, bah nê mbơh gĭt tay trong kơl mpeh du Việt Nam ŭch  rgop têh lơn tâm jâng nsing chính trị lam ntŭr neh, wăng sa lam ntŭr neh n’hanh luh rsang ntil kon nuĭh./.