Tâm rnôk hăn khâl gưl Ngih dak tât dak Cộng hoà Ai Cập, Kruanh dak Lương Cường hŏ tâm nchră ma Thủ tướng Ai Cập Mostafa Madbouly. Tâm rnôk tâm nchră, Kruanh dak Lương Cường lah rjăp Việt Nam mro uănh khlay nau tâm boh vay ơm ndrel âk ding ma Ai Cập ndrel ŭch leo tâm boh kan nsum bar ding hao du nhoat mhe, nâp, ngăn ndrel săk tam lơn. Rnê prêh nau tâm boh đah Ai Cập ndrel châu Phi, Kruanh dak Lương Cường đă n’hao lơn tay nau tâm nchră gưl prêh ndrel ăp gưl, ndâk ăp nau tâm boh pháp lý mhe, pơk trong nơih ân nau tâm boh bar ding tâm ăp nau kan.

Kruanh dak đă bar ding ân ntrŭt dăng tâm boh, mbơh nchră ndrel tâm kơl tâm ăp nau tâm nchră tâm nkuăl, n’hao lơn tâm nchră mbơh nau tă blau tâm nau kan đăp mpăn, tâm kơl rjaih nau gay rgop ngăn tâm nau đăp mpăn ndrel nâp nâl bah nkuăl ndrel lam ntur neh./.