Kêng măng lơ 27/7, ta Điện Biên, Tổng Bí thư Tô Lâm leo rơh pah kan đah Ban chấp hành Đảng bộ n’gor mpeh nău mbơh tơih ăp Nghị quyết, Nglôch lôch bâh trung ương, nău kan tơm lah nău leo ƀư Đại hội Đảng ăp gưl n’hanh pă dăp leo kan n’gâng kan, ntŭk kan hành chính. Tổng Bí thư rnê nău mĭn dơn kan, rgâl mhe n’hanh ntop kan bâh lĕ rngôch Đảng bộ, n’gâng kan, mpôl kan tahen, doanh nghiệp n’hanh ƀon lan ăp mpôl rnoi ta n’gor. Ntoh lư lah nău ngăch hun hao GRDP bơi tât 9%/năm n’hanh geh rlău 95 rbăn rmen prăk ntuh kơl ta ntŭk rêh jêng. Tổng Bí thư Tô Lâm đă tâm let năp tay, n’gor Điện Biên an geh mbơh nău leo kan tay n’gâng kan tĭng trong n’gâng kan 2 gưl lah du nău kan chính trị tơm, an geh uănh năl na nê̆ nău pă dăp mô dơn rlu ta ăp ntŭk kan ma an geh hăn lăp tâm nău n’huch rnoh nuĭh kan yơn mô rhoăt nău dơi kan, n’huch rnoh ntŭk kan yơn n’hao nău dơi leo kan, jut jăng ăp ntŭk kan mô khlăy, nkre lah ndrel đah nuĭh kan, mât njrăng nău leo kan.