Kêng măng 9/7, ta Phường Pleiku, n’gor uỷ Gia Lai ƀư tâm mâp măt, jao nau kan bah ntŭk pah kan 2 bah n’gor Gia Lai. Jêh du pơk ntrŭnh ƀư nau kan tĭng n’gâng kan 2 gưl, ntrong ƀư kan tâm n’gor Gia Lai hŏ pah kan ueh nâp. Ntrong jao ƀư nau kan trực tuyến geh ntrŭnh ƀư săk tam, knŭng mâp du đê̆ nau nkol tâm nau nthoi mạng đah Trung ương. Nau khlay ngăn lah, nau kan ƀư săm ƀŭt hành chính ân nŭih ƀon lan geh anu dơi prêh. Êp ăp nau tă geh dơi bôk năp, n’gor hôm rdâng ma du đê̆ nau jêr, nau ntul rlong rnôk ma neh ntu rlau 21 rbăn km vuông, dâk tal 2 lam dak, rnoh nŭih âk dâk tal 10.

Gia Lai ân geh nau lăp kan rđau ƀư ân tam, tâm dăch tâm nau mât kan ngih dak, nkre đăp măpn nâp nâl neh dak, rnă njrăng. Wa Hồ Quốc Dũng-Bí thư n’gor uỷ Gia Lai mbơh, bah năp nau nê, n’gor ndâk ntŭk kan tal 2 ta Pleiku, ndrel pă du hê nŭih ƀư Groi Bí thư n’gor uỷ, du nŭih ƀư Groi Kruanh UBND n’gor rđau kan sŏng, rđau gay ma đăp mpăn ntrong ƀư nau kan geh du trong ueh, nâp n’ho ro ndrel săk tam./.