Kêng măng 13/8, ta ntŭk kan Chính phủ, Thủ tướng Chính phủ Phạm Minh Chính hŏ vơt rmôt kan ntoh măt Rnâng kan rgâl mhe nau kan tăch rgâl Lào, yor đồng chí Saleumxay Kommasith, Groi Thủ tướng Chính phủ Lào, Kruanh Rnâng kan rgâl mhe ntŭk kan tăch rgâl Lào dôl geh rơh khâl ndrel pah kan ta Việt Nam. Thủ tướng lah rjăp, Việt Nam mra tâm nchră nau tă blau nau kan mpeh nau rgâl mhe, ndâk ntŭk kan tăch rgâl Ngih dak, mbơh ntrong kan pháp lý ndrel nau mât kan, kŏ kơt lah ntrong rgum tơm prăk ndrel mât nau ntuh kơl.

Đă bar ding ndâk nau tâm nchră ƀa ƀơ đah ăp ntŭk kan n’gâng kan, ngăn lah nau tâm nchră rgâl nau blau kan ngăn tâm ăp Tổng Công ty, Rmôt kan ngih dak bah Việt Nam mra kơl an ntrong uănh ăp ntil, jru gay ma săch, ndăn dŏng tâm di ma nau ngăn bah Lào. Groi Thủ tướng Lào Saleumxay Kommasith lah rjăp tâm rnôk ndâk nau kan văng sa đăp mpăn, ƀư tơm, Lào mro tâm boh rjăp ndrel ŭch kơt tĭng nau tă dơi blau tă bah Việt Nam, ngăn lah tâm nau mât kan ndrel hun hao ntŭk kan Ngih dak, nau kan mât mhe, rƀŏng tât ndâk nau kan văng sa Lào geh dŏng tam, nâp nâl./.