Tâm trôm rơh khâl gưl Ngih dak tât Hàn Quốc, kêng măng 12/8, ta thủ đô Seoul, Tổng Bí thư Tô Lâm lĕ rgum nchră Kruanh Quốc hội Woo Won Sik. Ta rơh rgum nchră, Tổng Bí thư Tô Lâm nsing nơm Hàn Quốc mbra hun hao têh dăng, geh âk săk rnglăy têh lơn tay, nar lơ n’hao prêh ntŭk gŭ ta nkual n’hanh lam ntŭr neh, tâm nĕ Quốc hội Hàn Quốc mât uĕh lơn nău khlay bah ngih pah kan ndâk njêng pháp luật gưl prêh.

Tổng Bí thư Tô Lâm đă 2 ding kan ndrel rjăp mbơh ƀư săk rnglăy ăp trong kan ndrel ăp ding n’hanh âk trong kơt pơk mpông lơn tay an ndoh ndơ tăch n’gluh têh bah Việt Nam lăp ntŭk tăch Hàn Quốc. 2 ding lĕ tâm rgâl mpeh ăp nău nkual n’hanh lam ntŭr neh ma 2 ding ndrel uănh tât n’hanh tâm kơl ndrel ta ăp trong ƀư, rƀŭn ăp ding, tâm nĕ Liên minh nghị viện lam ntŭr neh (IPU), Rmôt kan Liên minh Nghị viện ăp dak Châu Á yor đăp mpăn (AAPP); tâm ban ŭch n’hao kan ndrel đah ăp chính đảng ta châu Á.