Ôi lơ 13/8, ta ntŭk kan Chính phủ, Thủ tướng Chính phủ Phạm Minh Chính ƀư tơm nar rƀŭn lam dak lôch Bôk nau kan neh dak hun hao văng sa rêh jêng nkuăl rnoi mpôl đê̆ ndrel gôl yôk lvang năm 2021-2025 rƀŏng nkô̆ nau lvang năm 2026-2030. Ntoh nau tâm nar rƀŭn, Thủ tướng Chính phủ Phạm Minh Chính lah rjăp, nkuăl rnoi mpôl đê̆ ndrel gôl yôk lah ntŭk jêr mpeh nau kan dak si, ntĭm nti, răk kloh ntŭk ntu, nau rluk mâl ơm, rêh jêng...

Ndri ma ân geh ndơn uănh rjăp, sŏng ăp nau tă dơi geh ƀư, ăp nau kan ê dơi ƀư, năn rklaih, rhuăt luh nau tă dơi blau gay rđau kan ân ueh lơn gay leo nsĭt nau rêh ueh ân ƀon lan. Thủ tướng ŭch tâm năm kan tât, nau ƀư Bôk nau kan neh dak hun hao văng sa, rêh jêng nkuăl rnoi mpôl đê̆ ndrel gôl yôk ân geh ƀư ueh lơn, kơl an nŭih kan rgum lơn, nau ƀư kan blau lơn, săk tam lơn, rgâl mhe nau ƀư, geh tơm, nkô̆, pah kan ân lôch jêh dơi gay leo nau rêh ueh lơn ân ƀon lan nkuăl rnoi mpôl đê̆ ndrel gôl yôk./.