Lôch 3 nar pah kan ndăn ngăch, răp jăp n’hanh dơn kan âk, Ủy ban Thường vụ Quốc hội hŏ ƀư wat jêh nkô̆ rơh hop tâl 48 đah 17 nkô̆ gay nchrăp an rơh hop tâl 10. Lah ta rơh mpôch dŭt rơh hop tâl 48, Kruanh Quốc hội Trần Thanh Mẫn lah rjăp, đah nuih n’hâm pah kan ndăn ngăch, răp jăp n’hanh dơn kan âk, Ủy ban Thường vụ Quốc hội hŏ wat jêh nkô̆ rơh hop tâl 48 đah 17 nkô̆ tâm nchră na nê̆ n’hanh du đêt nkô̆ mĭn  uănh ma siƀŭt, nchrăp âk nkô̆ an rơh hop tâl 10.

Kruanh Quốc hội Trần Thanh Mẫn njrăng đă, rơh hop khay 9 lah rơh hop an nău rgop âk đah ăp nkô̆ rơh hop tâl 10 đah âk nkô̆ kơt an nău rgop tâl 2 mpeh nău nchrăp an rơh hop tâl 10; mĭn uănh, n’gluh an dŏng bôk nău kan njêng pháp luật 2026; an nău rgop ăp trong nchrăp mbơh n’glôch jêh năm kan bah Quốc hội n’hanh bah ăp nhih pah kan ngih dak, nchrăp bầu cử n’hanh nklăp 50 trong nchrăp luật, nghị quyết khlay êng ƀa ƀă.