Đah nkô̆ “Nuih n’hâm ndâk nau kan ân rach năm mhe”. Rơh rƀŭn vay ăp năm bah ăp nŭih leo trong lor tal 16 bah nau tâm nchră văng sa lam ntur neh WEF Thiên Tân) ƀư ntơm lơ 24-26/6 đah nau râng bah rlau 1.700 ntoh măt lah rđau kan gưl prêh, ntoh măt ăp ntŭk kan, n’gâng kan, ntŭk kan dak ba dih, nŭih mĭn ƀư nau kan ndrel rđau kan ntŭk kan tăch rgâl tă bah bơi tât 100 neh dak lam ntur neh.

Tâm rnôk rơh rƀŭn, Thủ tướng Phạm Minh Chính hŏ râng ndrel ntoh nau tâm nar rƀŭn khlay ndrel lah năch jă râng khlay bah Nau tâm nchră nau kan neh dak đah nkô̆ “Việt Nam-Rach năm n’hao săk: Rƀŏng uănh tât nau kan ngăn”. Râng rƀŭn nchră đah nkô̆ “Rcah năm kan bah Châu Á dôl mâp nau jêr đŏng lah mô?”, Thủ tướng Phạm Minh Chính đă 2 nau kan: Ndâk trong kan rgâl nau blau mhe Châu Á, ƀư ân ueh rjăp nau leo trong bah nau tâm nchră văng sa lam ntur neh ndrel Trung Quốc tâm nau nthoi ăp ntŭk kan mĭn njêng, ngih săm ƀŭt Đại học ndrel ntŭk kan. Ndâk mpông trong blau nau mhe Châu Á-nau dăng kơl an ăp ntŭk kan tăch rgâl bah găp ndrel jê̆, ntŭk kan ndâk nau kan mhe. Thủ tướng ntoh nau rnơm đah nuih n’hâm tâm rnglăp, ƀư nau kan nsôih, kan ân rjăp, Châu Á mra njêng nau dơi ndâk nau rêh nau kan ueh ang, leo nsĭt nau đăp mpăn, tâm boh ndrel hun hao nâp nâl./.