Tâm bar nar 12 n’hanh 13/7, Đại hội Đảng bộ Ntĭm rđău Tahen n’har bri n’gor Dak Lak rơh tal I lĕ ƀư lôch uĕh. Năm kan bah năp, Đảng bộ lĕ ntĭm rđău ntŭk kan lôch uĕh ăp nău kan chính trị, ntoh lư lah mât nâp ƀư tơm, rnă njrăng n’har bri ta neh kơh n’hanh nkual dak lêng. Đảng bộ ƀư 10 jrô nti lý luận chính trị an 311 đoàn viên ntoh lư, nglăp 139 đảng viên mhe.

Ăp ntrong ƀư đăp mpăn nău rêh jêng kơt “Ndơ̆ oh tât ngih samƀŭt”, “Kon mât Pôih tahen n’har bri”, “ATM dak kloh uĕh n’har bri”... mât uĕh săk rnglăy, ntop kơl ngăn ngên an nuĭh ƀon lan nkual n’har bri. Ntŭk kan ntrôl dăng nkoch trêng ƀư tơm n’har bri, wăch rgum rlău 13.000 nuĭh ƀon lan râng. Năm kan 2025-2030, tâm rnôk nglăp nsum ntŭk kan, rmôt tahen mĭn mât nâp tay ƀư tơm n’har bri, ndâk njêng rmôt đảng nâp dăng, tĭng đah ƀon lan n’hanh mbơh ƀư săk rnglăy “ƀon lan nti gĭt blău mrô”