Tĭng nău mbơh bâh ntŭk kan mât uănh ntuh kơl rdâk njêng n’gor Đồng Nai, nchrăp nău kan gưl 1 trong hăn têh Biên Hòa- Vũng Tàu lvang 1 geh nău jong 16km. Lĕ rnoh prăk ntuh kơl rlău 6.120 rmen prăk bâh tơm prăk ngih dak. Tât aƀaơ, rnoh khlăy ndơ nchrăp ƀư rơh 1 geh klâp ma rlău 46%. Nău nchrăp kan geh mbơh ƀư bâh năm 2022, nău nchrăp ƀư tơm ƀư lôch ta năm 2025, ndŏ lăp dŏng tâm ban ta lam trong năm 2026. Tât aƀaơ, nău kan rklaih mât đăp mpăn lĕ geh ƀư lôch, ta ntŭk kan dôl geh 35 ntŭk kan rgum lĕ rlău 400 ntil ndeh klư, máy mok n’hanh 440 nuĭh kan. Ta rơh uănh nđôi, wa Hồ Đức Phớc lah na nê̆, ăp ntŭk kan geh tât, ntŭk dơn kan rgum máy mok, nuĭh kan ntrôl ngăch an ƀư lôch, geh dŏng âk ta ăp rơh trôk nar ueh lăng gay ma n’hao ngăch ƀư lôch, mât đăp mpăn ƀư lôch nău kan tĭng nău tâm ton ta năp lơ 19/12/2025.