Ntơm lăp ta năm kan 2025-2030, Đảng bộ UBND n’gor Đăk Lăk geh nău nchrăp hun hao lam n’gor râng geh bâh 11,5%/năm let lơ, nău geh du hê nuĭh geh rlău 160 rkeh prăk/năm, lĕ rnoh khlăy tăch ndơ an dak bah dih geh rlău 13 rmen đôlar, geh tât 43 rkeh năch pâl nđaih đah nău geh klâp ma 97.150 rmen prăk, n’huch rnoh rnăk ach o râng geh 2%/năm, êng nkual ƀon lan rnoi đê̆ huch 3%/năm. Nău kan tơm lah hun hao “poăn n’gâng kan tơm” geh công nghiệp, tuch tăm, công nghệ mhe, pâl nđaih n’hanh wăng sa dak lêng, ndrel đah rgâl mhe têh dăng ntŭk ntuh kơl, ntrôl hun hao khoa học công nghệ, rgâl mhe nău mĭn kan, rgâl mhe rnoh mbrô n’hanh hun hao rnoh nuĭh kan gĭt blău. Ntoh ngơi ntĭm đă Đại hội, Bí thư n’gor Ủy Đăk Lăk Nguyễn Đình Trung lah na nê̆, Đại hội rơh aơ mô dơn nglôch lôch nău geh pah kan  năm ba năp, ma hôm nha geh mbơh nchrăp du n’gâng kan an du rơh hun hao mhe, mpơl na nê̆ nău leo kan bâh Đảng bộ UBND n’gor ta trong hăn ƀư tĭng nău ŭch hun hao sâm geh têh ndrŏng bâh Đăk Lăk.