Ta rơh tâm nchră ngơi, bar hê nuĭh leo kan lĕ geh mbơh an 2 ding mpeh nău kan ăp Đảng, ăp dak, tâm mbơh mpeh nău ta nkual n’hanh lam ntur neh, nău tâm boh kan đah 2 Đảng, 2 dak n’hanh du đê̆ nkô̆ nău 2 ding ndrel mât uănh, uănh tĭng na nê̆ n’hanh uănh năl khlăy nău geh tâm kơl tâm ba năp nơh n’hanh dơn ngoăy ăp trong kan tơm khlăy gay ma ƀư ueh lơn nău tâm kơl kan đah 2 Đảng, 2 dak tâm let năp tay. Bar hê nuĭh leo kan tâm ban ŭch n’hao nău tâm boh kan Đảng, nău kan ngih dak, ndâk nsơm nău tâm knơm kan chính trị, n’hao nău tâm mbơh kan gưl têh n’hanh ăp gưl kan, n’gâng kan, ta ntŭk. n’hao ăp nău tâm kơl kan aƀaơ geh tâm ban kơt ăp nău tâm ton gưl têh êng, an geh mbơh nkoch tay nău mbơh ngăch, tâm mbơh ôp ndrel mpeh ăp nău ta lam ntur neh, ta nkual, ăp nău geh tât tâm boh ueh 2 dak, ntop ndŏ nău tâm boh kan 2 Đảng, bar dak ăp nar lơ ma hun hao ngăn ngên ta rơh mhe, kơl an nău ueh ngăn ngên bâh ƀon lan 2 dak.