Ôi nđaơ (14/8) ƀư Đại hội Đảng bộ N’gâng kan tuch tăm n’hanh ntŭk ntô rơh bôk năp, năm kan 2025-2030. Đah trong way ƀư “Tâm rnglăp-Ƀon lan ƀư tơm-Kỷ cương-Rgâl hao-Hun hao”, Đại hội lah di an lam Đảng bộ N’gâng kan Tuch tăm mât rong n’hanh Ntŭk ntô gŭ âm uănh tay trong hăn 5 năm ntĭm rđău, ƀĭt joet ƀư tĭng Nghị quyết Đại hội năm kan 2020-2025, rhoăt nău blău ơm; nkre n’gluh an trong nchrŏng, nău rƀŏng n’hanh trong mkra an lvang 2025-2030.

Ăp trong mkra ta Đại hội mbra rgop ndrel lam dak ƀư tĭng nău rƀŏng hun hao ngăch, nâp nâl tât năm 2030-rnôk treh lôch 100 năm ndâk njêng Đảng Cộng sản Việt Nam; nkre rƀŏng tât nău ŭch têh dăng tâm năm 2045-nkah gĭt 100 năm ndâk njêng neh dak Việt Nam Dân chủ Cộng hòa, aƀaơ lah dak Cộng hòa xã hội chủ nghĩa Việt Nam. Ta Đại hội, Đảng ủy Chính phủ mbra mbơh nău ntrŭnh ntĭm Ban Chấp hành, Ban Thường vụ, Bí thư Groi Bí thư n’hanh Ủy ban Kiểm tra Đảng ủy N’gâng kan Tuch tăm n’hanh Môi trường năm kan 2025-2030.