Lâm Đồng aƀaơ geh 16.000 ha mắc ca, geh 34% dĭng lĕ rnoh mắc ca bah lam dak, kơp êng rnoh geh năm 2025 nklăp 13.700 tấn, nsĭt geh rĭng bah 100 tât 300 rkeh prăk/ha/năm tĭng trong mât tăm. Gay mắc ca jêng ngoăy tâm âk tơm tăm nsĭt nău geh têh an n’gor, Lâm Đông dôl ƀư dăp rgum nkual tăm, ndơ̆ rnoh neh mắc ca lam n’gor tât năm 2030 hao 37.000ha, đah rnoh geh 48.000 tấn, rnoh nkret njêng rlău 90%.

Tĭng wa Nguyễn Hà Lộc, Groi giám đốc N’gâng kan tuch tăm mât rong n’hanh ntŭk ntô gŭ âm n’gor Lâm Đồng, ndrel đah ăp tơm tăm êng, mắc ca ntoh hao kơt du nău kan ndơ geh âk bah n’gor. Gay geh nău rƀŏng n’gluh an, rlău ma n’hao uĕh tơm tăm, ntrôl dăng boăt nthoi nkra njêng mắc ca tĭng trong rgop, n’gor mbra uănh khlay hun hao tĭng trong lŏ mir công nghệ mhe n’hanh kơt dŏng công nghệ nkret njêng jru gay n’hao khlay ndơ, ntop kơl ƀon lan nkra njêng tĭng trong nâp nâl.