Kêng măng (14/8), ta Hà Nội, Viện Hàn lâm khoa học xã hội Việt Nam ƀư tơm, ndrel Ban Tuyên giáo n’hanh Dân vận Trung ương, Học viên Chính trị quốc gia Hồ Chí Minh n’hanh nkual ƀon têh Hà Nội ƀư Rgum nchră khoa học ngih dak đah bôk nău “Cách mạng khay 8 n’hanh Quốc khánh 2/9-Nău khlay têh n’hanh nuih n’hâm rêh hôm e”. Rƀŭn nchră lah nău ƀư geh tâm trôm ăp nău ƀư nkah gĭt ăp nar lễ têh bah neh dak, nkhêp di nkah gĭt 80 năm Cách mạng Khay 8 n’hanh Quốc khánh 2/9.

Ntoh ngơi ta ntĭm rđău ta Rgum nchră, Groi Thủ tướng Rnâng kan Chính phủ Nguyễn Hòa Bình lah rjăp: rgum nchră lah di an he ndrel uănh tay du trong hăn têh dăng bah lịch sử rnoi nuĭh, ndrel ntô̆ n’hao mpeh ăp nău geh uĕh ang lam Đảng, lam ƀon lan n’hanh lam tahen lĕ dơi geh n’hanh ndrel rƀŏng tât nău rêh rgŏ năp uĕh ang bah neh dak. Kơp bah Cách mạng Khay 8/1945, lịch sử dôl dơi nchih tay uĕh ang. Rach năm đăp mpăn, dah rŏng lĕ dơi nthoi đah rach năm kơp dơn neh dak, đăp mpăn, hun hao n’hanh mbra dơi nthoi tay đah rach năm hao êng săk nơm, uĕh lăng, têh ndrŏng.