Ôi 14/8, ta TP.HCM, Thủ tướng Phạm Minh Chính tât râng n’hanh ntoh ngơi ntĭm rđău ta rƀŭn tâm nchră đah doanh nghiệp mpeh puh nsĕt ŭnh sa, công nghiệp hóa, rnă njrăng, đăp mpăn n’hanh rgâl mrô rhŏ an hun hao wăng sa-rêh jêng bah neh dak.

Ntoh ngơi ta rƀŭn, Thủ tướng Chính phủ Phạm Minh Chính đă năm tât ăp N’gâng kan nău kan ƀon lan ndăn ndâk ƀư Bôk nău rgop an tâm nchră “Nking n’gang, n’hŭch ăp nău ŭnh sa ƀư khuch hô đah nuĭh, drăp ndơ n’hanh n’hao săk rnglăy trong kan wơt kơl rmanh”. N’hao tay tam, săk rnglăy mât uănh ngih dak mpeh njrăng n’gang puh nset ŭnh sa n’hanh wơt kơl rmanh tĭng trong way ƀư, tĭng nău way “Uănh nđôi lor đăp mpăn, uănh nđôi bah kơi na nao”; uănh khlay trong kan njrằng n’gang. Uănh năl trong kan njrăng n’gang ŭnh sa lah nău kan khlay, ƀa ƀơ, n’hao lĕ đah nău kan bah nuĭh djôt bôk gưl ủy, n’gâng kan ƀon lan, ngih pah kan , ntŭk kan.