Wa Phan Đình Trạc-Kruanh Ban Nội chính Trung ương ndrel mpôl Đại biểu Quốc hội n’gor Lâm Đồng mhe mâp nuĭh ƀon lan ta xă Lạc Dương. Ta nar mâp, nuĭh ƀon lan nkoch nău ŭch n’gâng kan ƀon lan 2 gưl ơm đăp mpăn, nău kan săk rnglăy, tâm di nău ŭch hun hao wăng sa rêh jêng ƀon lan.

Dôl uănh, nuĭh ƀon lan dŭt uănh tât nău pă samƀŭt kơp dơn neh-du nău nkân âk năm mô hŏ dơi mkra lôch. Wa Phan Đình Trạc uănh lah prêh ăp nău rgop, dăn đă bah nuĭh ƀon lan, nkre mĭn lah mbra rgum lĕ, njuăl tât ăp ngih pah kan dơi mkra. Wa lah rjăp: n’gâng kan xă an ntĭm na nê̆ nuĭh ƀon lan ƀư tĭng samƀŭt; moh ndơ dơi mkra ri an mkra dâl ta ntŭk, mô an nuĭh ƀon lan hăn tât n’gor. Ăp wăk kol an dơi cán bộ xă hăn mbơh, tâm rgop mkra.