Kêng măng 26/6, rlău 22.000 kon se nti ta Dak Lak hŏ lôch jêh thi môn Toán, lĕ nar thi bôk năp bah rơh thi tốt nghiệp THPT năm 2025. Năl saơ ta âk ntŭk thi, lơn âk kon se nti an gĭt ƀư bài uĕh, nuih n’hâm đăp mpăn n’hanh nchrăp lăp tâm nar thi tâl bar.

Bah năp nê, bah ôi, kon se nti ta Dak Lak hŏ ƀư lôch jêh bài thi Ngữ văn đah nău dơi âk. Rnoh kon se nti râng thi tâm nar bôk năp ta n’gor geh rlău 99%. Nar aơ (27/6), kon se nti lăp ƀư bài thi tổ hợp Khoa học Tự nhiên mô lah Khoa học Xã hội bah ôi n’hanh môn Ngoại ngữ tâm kêng măng. Wa Lê Thị Thanh Xuân, Giám đốc Sở Giáo dục n’hanh Đào tạo n’gor Dak Lak, an gĭt: n’gâng kan ntĭm nti tĭng ƀư tay jăp ăp quy định gay rơh thi ƀư đăp mpăn n’hanh di nău way.