Tâm nău nsrôih dơh đêt tŏng ăp n’gâng kan, rnôk ƀư tĭng nglăp nsum ăp ntŭk kan, N’gâng kan Tuch tăm mât rong n’hanh Ntŭk ntô gŭ âm n’gor Lâm Đồng lĕ n’hŭch geh 394 biên chế; n’hŭch 46 jrô. Rlău ma N’gâng kan n’gor lĕ mbơh UBND n’gor Lâm Đồng mkra nău ŭch rlu ranh, rlu nău kan tĭng Nghị định 178 an 46 cán bộ.

Bah nău nglăp nsum 6 ngih pah kan nău kan tuch tăm mât rong ntŭk ntô gŭ âm bah 3 n’gor Dak Nông, Bình Thuận n’hanh Lâm Đồng, N’gâng kan mhe aƀaơ geh rlău 5.150 công chức, viên chức n’hanh nuĭh pah kan. Gay ngăch đăp mpăn rmôt n’gâng kan pah kan na nao, săk rnglăy, UBND n’gor Lâm Đồng dôl uănh mĭn tay uănh an ăp nău ntrŭnh dăp rmôt kan bah n’gâng kan; ndâk njêng ăp ntŭk kan ta bah dâng; ƀư tĭng ăp samƀŭt wơt dơn nău kan, nuĭh kan, drăp ndơ, prăk kaih geh tât jêh rgum nsum. N’gâng kan Tuch tăm mât rong n’hanh Ntŭk ntô gŭ âm n’gor lâm Đồng geh nău kan tâm ôp tâm nchră UBND n’gor Lâm Đồng mât uănh ngih dak âk ntil nău rgŏ jong bah bri jŭr dak lêng.