Ta rơh vơt, Thủ tướng knơm đah nău tă gĭt tâm kơl kan bâh Qualcomm đah Việt Nam tâm ba năp nơh, bar ding mbra geh âk nău dơi lơn yor ndơ dŏng viễn thông, trong hăn, điện bâh việt Nam lĕ hun hao dŭt dăng ngăch ngăn. Việt Nam dôl nsrôih, răng dăng rgâl mhe, rgâl nău mĭn, uănh khlăy mông nar, nău mĭn, nău kan di đah rơh. Đah nău tâm kơl kan bâh Qualcomm, Thủ tướng knơm ăp tập đoàn kơt VNPT, Viettel, Vingroup mbra hun hao ăp ntŭk kan mĭn uănh n’hanh hun hao, ntŭk kan ntơm njêng nău kan mhe. Ŭch Qualcomm sŏk dŏng lĕ nău dơi bâh Việt Nam, kơl an Việt Nam hun hao ăp n’gâng kan công nghệ mhe.