Ôi 12/8 ta thủ đô Seoul, Hàn Quốc, Tổng Bí thư Tô Lâm, Thủ tướng Hàn Quốc Kim Min Seok ndrel râng rƀŭn wăng sa Việt Nam-Hàn Quốc đah bôk nău “Kan ndrel hun hao trong nkra njêng tâm rach năm mhe”. Râng Rƀŭn hôm geh rlău 500 đại biểu tât bah ăp doanh nghiệp bôk năp 2 dak. Rƀŭn nchră mô knŭng lah ntŭk boăt nthoi đah ăp nsum mpôl doanh nghiệp ma hôm rgop khlay tâm nău ntrôl kan ndrel wăng sa, tăch rgâl n’hanh ntuh kơl ăp ding.

Ntoh ngơi ta rƀŭn, Tổng Bí thư Tô Lâm nkoch nu nău wăng sa-rêh jêng Việt Nam năm 2024 n’hanh 6 khay bôk năm 2025 geh âk săk rnglăy uĕh; lah rjăp năm 2025 mô knŭng lah năm “Hao ngăch, rgâl mhe” gay jêh ăp nău rƀŏng hun hao bah lvang 2021-2025 ma hôm rgop khlay, geh n’gâng tơm khlay n’hanh nuih n’hâm têh dăng gay ƀư tĭng lôch uĕh 2 nău rƀŏng 100 năm, ndơ̆ neh dak lăp rach năm mhe-Rach năm hao êng săk nơm, hun hao têh ndrŏng, uĕh blău, uĕh lăng bah rnoi nuĭh. Mpeh kan ndrel, wăch rgum ntuh kơl dak bah dih, Việt nam rgâl bah nău mĭn “wăch rgum tĭng trong jru hvi” an wăch rgum tĭng trong jru” geh săch kloh, kơl lor ăp nău nchrăp ƀư geh công nghệ mhe, công nghệ mhe, công nghệ prêh, công nghệ kloh uĕh, mât uănh mhe, geh rnoh khlay hao âk, geh ntrŭt rêng hvi, boăt nthoi trong nkra njêng n’hanh pă an lam ntŭr neh.