Ôi nđaơ, Bộ Dân tộc n’hanh Tôn Giáo ƀư Rƀŭn nchră lam dak uănh lah mpeh trong kan rnoi nuĭh, chroh rƀŭn jêh nglăp nsum n’gâng kan n’hanh ƀư tĭng n’gâng kan ƀon lan 2 gưl. Rƀŭn nchră lĕ djăt nău mbơh, dăn đă bah n’gor tâm nău ƀư tĭng nău kan rnoi nuĭh, chroh rƀŭn rnôk ƀư tĭng n’gâng kan ƀon lan 2 gưl.

Tĭng nĕ, âk nău rgop dăn đă Bộ Dân tộc n’hanh Tôn giáo ơm tâm ôp tâm nchră Chính phủ nkra rgâl, ntop tay ăp nău kơl dôl ƀư an tâm di đah n’gâng kan ƀon lan 2 gưl, kơt: Nău kơl đah nuĭh nsing nơm tâm ƀon lan rnoi mpôl đêt; Nău kơl ntuh kơl, đăp mpăn rêh jêng an nkual rnoi mpôl đêt n’hanh nkual yôk; an ntrŭnh ngăch ăp samƀŭt ntĭm na nê̆, rĭng, tâm ban ŭch gay dôh rklaih ăp wăk kol mhe ntoh tâm rnôk ƀư ăp samƀŭt quy phạm pháp luật geh tât trong kan rnoi nuĭh n’hanh tĭng chroh rƀŭn.